السلام عليكم ورحمة الله وبركاتة
النهاردة هعمل تطبيق لوصفة رول اللحم لمنال العالم
انا عملتها بس بطريقتي انا
المقادير
ربع كيلو لحم مفروم
بصلتين كبار
معلقتين كبار بقسماط
بيضة واحدة
معلقة صغيرة شطة
ملح حسب الرغبة
معلقة صغيرة هيل مطحون ( اختياري)
معلقة صغيرة ورق لوري مطحون( اختياري)
الحشو
لوز
وسجق
وجبن كيري
وزبيب
او اي حاجة متوفرة عندك يعني اتصرفي
الطريقة
نبشر البصلتين بشر صغير جدااا وممكن نضربهم في الكبة عالطول مع اللحمة
انا كان عندي اللحمة متوفرة وفيها البصل في التلاجة وكمان كنت فرمها معاها كوباية برغل وده اختياري بس انا كنت عملها للكفتة وعملت منها الروول ده
نضع عليها البيضة والبقسماط والتوابل كلها والملح
ونخلطها كويس اوووي لحد منحس ان كل المكونات تجانست مع بعضها
نجيب ورق زبدة انا مكنش عندي ففردت ورق فويل يعني بنتصرف مش هنقف يعني
وتفردي عليها اللحمة بالنشابة او يأيديك بللي ايديك مية وافردي هتلاقيها بتتفرد
نحط الحشو المحضرينه
انا كنت حمرت قطعتين سجق بلدي شوحتهم تشوحية مع اللوز والزبيب تغيير لون وشيلتهم عالطول
وفردت معاها جبنة كيري
وبالراحة كدة نلف اللحمة علي الحشو زي الرول كدة لفيها متقلقيش هتتلف معاكي وخدي وقتك خالص
هيتلف وهيبقي ده شكله
نرش علية معلقة زيت
ونلف ورق الفويل عليها بالراحة كانها بونبوناية
ونحطها في صينية
وندخلها الفرن
حطيتها علي درجة حرارة 200
في الرف الاوسط
وبعد حوالي ثلث ساعة اقلبيها بالراحة علي الناحية التانية
واختبريها بسكينة او خلة دخليها خرجت نضيفة يبقي اللحم استوي
خرجت فيها اي لحم يبقي لسة شوية
بعد متخرج استني شوية تبرد
وبعدين شيلي الفيل من عليها هيتشال سهل لانه مش ملفوف عليها
وتقطعيها وتقدم باردة او ساخنة كانت حلوة اووي في الحالاتين
ودي صورة تانية شوفو الحشو من جوة باين ازاي
وطعمها خفيف جدااا وهتعجب الولاد اووي لانها جديدةوخفيفة
من كل الجوانب مدلعاكوو عايزة اشوف تقيماتك ابني عذبني علي مصورت
وصورة كمان عشان خاطر عيونكم للحشو من اقرب
وبالهنااا
وزي موصتكم متنسوش التقييم
وبحبكم في الله
النهاردة هعمل تطبيق لوصفة رول اللحم لمنال العالم
انا عملتها بس بطريقتي انا
المقادير
ربع كيلو لحم مفروم
بصلتين كبار
معلقتين كبار بقسماط
بيضة واحدة
معلقة صغيرة شطة
ملح حسب الرغبة
معلقة صغيرة هيل مطحون ( اختياري)
معلقة صغيرة ورق لوري مطحون( اختياري)
الحشو
لوز
وسجق
وجبن كيري
وزبيب
او اي حاجة متوفرة عندك يعني اتصرفي
الطريقة
نبشر البصلتين بشر صغير جدااا وممكن نضربهم في الكبة عالطول مع اللحمة
انا كان عندي اللحمة متوفرة وفيها البصل في التلاجة وكمان كنت فرمها معاها كوباية برغل وده اختياري بس انا كنت عملها للكفتة وعملت منها الروول ده
نضع عليها البيضة والبقسماط والتوابل كلها والملح
ونخلطها كويس اوووي لحد منحس ان كل المكونات تجانست مع بعضها
نجيب ورق زبدة انا مكنش عندي ففردت ورق فويل يعني بنتصرف مش هنقف يعني
وتفردي عليها اللحمة بالنشابة او يأيديك بللي ايديك مية وافردي هتلاقيها بتتفرد
نحط الحشو المحضرينه
انا كنت حمرت قطعتين سجق بلدي شوحتهم تشوحية مع اللوز والزبيب تغيير لون وشيلتهم عالطول
وفردت معاها جبنة كيري
وبالراحة كدة نلف اللحمة علي الحشو زي الرول كدة لفيها متقلقيش هتتلف معاكي وخدي وقتك خالص
هيتلف وهيبقي ده شكله
نرش علية معلقة زيت
ونلف ورق الفويل عليها بالراحة كانها بونبوناية
ونحطها في صينية
وندخلها الفرن
حطيتها علي درجة حرارة 200
في الرف الاوسط
وبعد حوالي ثلث ساعة اقلبيها بالراحة علي الناحية التانية
واختبريها بسكينة او خلة دخليها خرجت نضيفة يبقي اللحم استوي
خرجت فيها اي لحم يبقي لسة شوية
بعد متخرج استني شوية تبرد
وبعدين شيلي الفيل من عليها هيتشال سهل لانه مش ملفوف عليها
وتقطعيها وتقدم باردة او ساخنة كانت حلوة اووي في الحالاتين
ودي صورة تانية شوفو الحشو من جوة باين ازاي
وطعمها خفيف جدااا وهتعجب الولاد اووي لانها جديدةوخفيفة
من كل الجوانب مدلعاكوو عايزة اشوف تقيماتك ابني عذبني علي مصورت
وصورة كمان عشان خاطر عيونكم للحشو من اقرب
وبالهنااا
وزي موصتكم متنسوش التقييم
وبحبكم في الله
