أسف جداً
بقلمى : احمد حسن / الهضبة 2010
اسف جدا مش توبك منى لحد اخطئت في حقه
مش علشان مش بغلط ... لأ
انما علشان مش دا موضوعنا
ولا حتى اقصد بــ أسف جداً
كلام مسئول او حوار لحد بيتأسف عن اخطائه
لاننا عمرنا ما سمعنا حد عمل زى عبد الناصر وقال
هتنحى عن منصبي
اسف جداً
موضوع بيتكلم عن الاسف من الانسان لنفسه
يعنى دايما بقيس العقل عند الانسان واشبه بالاب
وان النفس هى الطفل اللى دايما بيشهو او معظم الاوقات بيكون غلط
وبيرجع الامر والقرار الاخير للاب اللى دايما بيبقي حيران
يعنى مثلا النفس تحب شكل لبس او تحب اكل معين او مكان او اى حاجة وتطلبها مننا
والعقل يفكر منين أدبر او ازاى اعدى المشكلة اللى وقعتنى فيها النفس او .. او ..
دايما النفس بيكون شعارها اللعب والحياة والمرح
وبيكون العقل شعاره الطريق الصح اللى ينجينا من المهلاك
والحزن والمشاكل والغلط
ولما يطاوع العقل ؛ النفس في حاجة غلط
بنلوم على نفسنا وبنعرف انها السبب لانها طلبت حاجة غلط ووقعتنا في مشاكل بعدها
ولما العقل يمنعنا من حاجة ونلاقي فيها مصلحة لينا بعد كدا
بنلوم على غباءه ونشتمه كمان
طب لما تيجى النفس تحب ؛ او تعز وتغلى شخص
هنلاقي ان دى حاجة صح
والعقل بالتأكيد ملهوش اى تدخل في انه يمنع
لان الموضوع مفهوش غلط لحد هنا
بس لما الموازين تتقلب والغلاوة تطلع لحد ميستهلش
يبقي نلوم على مني هنا ...؟!!!
ع النفس اللى اللى عزت وغلت وحبت ..؟!!
واللا ع العقل اللى قدر وشاف انها حاجة صح ..؟!!
واللا ع القلب لانه سمح لفيرس الغلاوة ان يهكرنا ..؟!!
الحقيقة ان محدش فيهم غلط ولا ليه ذنب
ولا هو غلط في مجال عمل اى حد فيهم جوانا
هو غلط لحاجة مش موجودة فينا وأسف لكل حاجة جوانا
هو دا الاسف اللى بدون ذنب ؛ أسف احتمال يتكررهو غلط لحاجة مش موجودة فينا وأسف لكل حاجة جوانا
أسف ملهوش علاج
غير ان اقول
أسف جداً
ويارتنى اقبل أسف نفسي ليا