الصبر طال ولا سواك احد نرجيه
،،،،،،،،،،،، يامن يفرّج عننا كل ضيقه
الظلم ساد وما لقى من يعاديه
،،،والصمت في بعض المواقف حريقه
يا أُمة محمد علينا مشاريه
،،،،،،،،،،،تاريخنا وأجدادنا والحقيقه
الدين ما قمنا بكل اللذي فيه
،،،،،،،،،،واسمع لآهات الديار الشقيقه
الشام نسمع صوتها ما نلبيه
،،،،،،،،واللي يبي يفزع بيلقى طريقه
لو بس ندعي كل ليل ونصليه
،،،،،،،،،،بنعجل بنصرن لهم ما نطيقه
أطفالهم تُقتل بلا ذنب تجنيه
،،،،،،،،،،،والا عذاراهم سوات الطليقه
والشايب اللي ما قوى شيل رجليه
،،،،،،،،،،يشوف هالمنظر وعينه غريقه
ويعذبونه لجل دينه يخليه
،،،،،،،،،،،،ويقول انا ربي إله الخليقه
يُدفن وهو حيٍ مع غبن كاويه
،،،،،،،،،،،،،،،لكن عند الله لقى ما يليقه
الطاغيه يصغر وتكبر بلاويه
،،،،،،،،،،،،ولا بد من يومٍ يجيه ويعيقه
هذا خبرهم والرجا دوم قافيه
،،،،،،،،،،،،،إنا ما ننساهم في أية دقيقه
