لتخلص من الامساك و الالام وانتفاخ البطن ( عن تجربه شخصيه )

السلام عليكم ورحمة الله وبركاته



لتخلص من الامساك و الالام وانتفاخ البطن :


للامانه اكتب لكم هذا الموضوع و عن تجارب شخصيه .. والله على ما اقول شهيد


1) وصفه اعشاب استخدمتها عباره عن
بابونج - يانسون - كمون - ميلسيا - شمر
خذيت هالوصفه من خبير اعشاب معروف

مميزاتها : انها تخلصك من الامساك و الالام
عيوبها : تثبت الوزن - اذا كثرت منها تسبب اسهال و انتو بكرامه ..

طريقتي : كنت احط هالانواع بمطاره و اصب عليهم ماي مغلي و اشرب 3 اكواب باليوم بعد الاكل .. كثرت منها و سببتلي اسهال

الحمدلله تخلصت من الامساك والالام بس يوم شفت انها ثبتت وزني قطعتها و رد ينزل وزني عادي بس المشكله ردتلي الالام



2) وصفه عباره عن ( يانسون - كمون )
تقريبا نفس الي فوق
و هم هاذي الوصفه وصفها لي خبير اعشاب وقالي اشربيها بعد الغدا و العشا
بس للامانه للحين ما جربتها


3) التمارين الرياضيه و الاكثار من شرب السوائل واكل الالياف
و خذيت هاذي النصيحه من دكتور باطنيه


4) الشوفان
دار هالحوار بيني وبين دكتوره باطنيه
قلتلها عن مشكلتي و شنو اعاني منه
قالتلي الشوفان اهو احسن علاج للامساك المزمن او المؤقت
قلتلها شلون الطريقه ؟
قالت تحطينه مع سلطه او تحطينه مع حليب او تشربينه كشوربه وتضيفين معاها خضار
قلتها انا اسوي رجيم اخاف يأثر ع رجيمي اذا شربتها يوميا
قالتلي عادي ما يأثر

انا حاليا قاعده اسوي شوربه شوفان مع خضار و اشربها و ان شاء الله خير


5) جاي رويال رجيم
هالجاي وربي جربته من اول يوم الحمدلله
راح الامساك .. بس عيبه ان اذا كثرت منه يسببلك اسهال
تحصلونه بالجمعيات او جنه الصيدليه



6) منقوع التمر بالماي
تنقعون 7 حبات من التمر في كوب ماء واتركوها من الليل حتى الصبح وبعدين اشربوها الصبح

و للامانه ناويه اجربها و ان شاء الله خير




في النهايه :
اسال الله العلي العظيم ان يشفينا
و يشفي مرضانا ومرضى المسلمين
اميين ..


اختكم / عاشقة الجنة


( صلوا على النبي )

بارك الله فيك اخي الكريم ^^

شكرا على الموضوع المفيد والرائع يسلمو

تسلم على الموضوع
تقبل تحياتي
تقبل مروري